ޕްރައިވެސީ ޕޮލިސީ

އަޅުގަނޑުމެން، ޖަވާބު ޕވޓ. ލމޑ. (އަޅުގަނޑުމެންގެ ވިޔަފާރިތައް، "ޖަވާބު"، "ދިވެހި ޖީޕީޓީ"، ނުވަތަ "އަޅުގަނޑުމެން") ތިޔަބޭފުޅުންގެ ޕްރައިވެސީއަށް އިޙްތިރާމުކޮށް ތިޔަބޭފުޅުންގެ ކިބައިން އެއްކުރެވޭ ހުރިހާ މަޢުލޫމާތަކީ ރައްކާތެރިކަމާއެކު ބެލެހެއްޓޭ އެއްޗެއްކަމުގެ ޔަޤީންކަން ދެމެވެ. މިޕްރައިވެސީ ޕޮލިސީގައި ތިޔަބޭފުޅުން އަޅުގަނޑުމެންގެ ދިވެހި ޖީޕީޓީ ވެބްސައިޓް، އެޕް، އަދި ދިވެހި ޖީޕީޓީގެ އިތުރު ޙިދުމަތްތައް ބޭނުންކުރުމުން އެއްކުރެވޭ ޒާތީ މަޢުލޫމާތާއި އެ މަޢުލޫމާތުތައް ބޭނުންކުރުމުގައި އަޅުގަނޑުމެން ގެންގުޅޭ އުސޫލުތައް ބަޔާންކޮށްފައިވާނެއެވެ.

1. އެއްކުރެވޭ ޒާތީ މަޢުލޫމާތު

އަޅުގަނޑުމެން ތިޔަބޭފުޅުންގެ އަންނަނިވި ޒާތީ މަޢުލޫމާތުތައް އެއްކުރަމެވެ:

ތިޔަބޭފުޅުން ޢަމިއްލައަށް ފޯރުކޮށްދޭ ޒާތީ މަޢުލޫމާތު: ދިވެހި ޖީޕީޓީ އެކައުންޓެއް ހަދާފިނަމަ އަންނަނިވި ޒާތީ މަޢުލޫމާތުތައް އަޅުގަނޑުމެން އެއްކުރަމެވެ:

• އެކައުންޓް މަޢުލޫމާތު: އަޅުގަނޑުމެންގެ އެކައުންޓެއް ހަދާފިނަމަ، އެކައުންޓާ ގުޅޭ ތަފާތު މަޢުލޫމާތު އަޅުގަނޑުމެން އެއްކުރަމެވެ. މިގޮތުން، ފުރިހަމަ ނަން، ޢީމެއިލް އެޑްރެސް، ޕާސްވޯރޑް އަދި ޕޭމަންޓް ޓްރާންސެކްޝަންތަކުގެ މަޢުލޫމާތު މީގެ ތެރޭގައި ހިމެނޭނެއެވެ. މިގޮތުން ޕާސްވޯރޑް ރައްކާކުރެވެނީ ހޭޝްކޮށް އޭގެ އަސްލު ނޭނގޭ ގޮތަށެވެ. އަދި ޕޭމަންޓް ޓްރާންސެކްޝަންތަކުގެ މަޢުލޫމާތު ރައްކާކުރެވެނީ ބޭނުންކުރާ ކްރެޑިޓް ކާޑުގެ ނަންބަރު ފުރިހަމައަށް ނޭނގޭނެގޮތަށެވެ.
• ޔޫސަރ ކޮންޓެންޓް: އަޅުގަނޑުމެންގެ ޙިދުމަތްތައް ބޭނުންކުރުމުގައި ތިބޭފުޅުން ދޭ އިންޕުޓުގައި ހިމެނިދާނެ ޒާތީމަޢުލޫމާތު އަޅުގަނޑުމެން ރައްކާކުރަމެވެ.
• މުޢާސަލާތުކުރުމުގެ މަޢުލޫމާތު: އަޅުގަނޑުމެންނާ އެއްވެސް ގޮތަކަށް މުޢާސަލާތުކޮށްފިކަމުގައި ވަނީނަމަ ތިޔަބޭފުޅުންގެ ނަމާއި، ގުޅޭނެ ޢީމެއިލް (ނުވަތަ ފޯނު ނަންބަރު) އަދި ތިޔަބޭފުޅުން އަޅުގަނޑުމެންނަށް ފޮނުވާ މެސެޖުތައް އަޅުގަނޑުމެން ރައްކާކުރަމެވެ.
• މީސްމީޑިއާގެ މަޢުލޫމާތު: އަޅުގަނޑުމެން ފޭސްބުކް، އިންސްޓަރގްރާމް، ޓްވިޓަރ (އެކްސް)، ޔޫޓިއުބް، ވައިބަރ، ލިންކްޑްއިން، އަދި ޓިކްޓޮކް ފަދަ ތަފާތު މީސްމިޑިއާ ޕްލެޓްފޯރމްތަކުގައި އަޅުގަނޑުމެންގެ ޕޭޖްތައް ހިންގަމެވެ. މިޕޭޖްތަކުން އަޅުގަނޑުމެންނާ މުޢާމަލާތްކުރުމުގައި ތިޔަ ބޭފުޅުން ހިއްސާކުރައްވާ ޒާތީ މަޢުލޫމާތުތައް އަޅުގަނޑުމެން ރައްކާކުރަމެވެ. އަދި މިފަދަ ޕްލެޓްފޯރމުތަކުން އިތުރު އެނަލިޓިކްސް ޑޭޓާ އަޅުގަނޑުމެންނާ ހިއްސާކުރުމަކީވެސް އެކަށީގެންވާ ކަމެކެވެ.
• ތިބޭފުޅުން ހިއްސާކުރައްވާ އެހެނިހެން މަޢުލޫމާތު: މީގެ އިތުރުންވެސް އަޅުގަނޑުމެން ހިންގާ ސާރވޭ ނުވަތަ އެކި ޙަރަކާތްތައް މެދުވެރިކޮށް ތިޔަބޭފުޅުން އަޅުގަނޑުމެންނާ ހިއްސާކުރައްވާ މަޢުލޫމާތުތައް ވެސް އަޅުގަނޑުމެން ރައްކާކުރަމެވެ.

އަޅުގަނޑުމެންގެ ޙިދުމަތްތައް ބޭނުންކުރުމުގައި އޮޓޮމެޓިކުން އެއްކުރެވޭ ޒާތީ މަޢުލޫމާތު: އަޅުގަނޑުމެންގެ ޙިދުމަތްތައް ބޭނުންކުރުމުން ތިޔަބޭފުޅުން އަޅުގަނޑުމެންގެ ޙިދުމަތްތައް ބޭނުން ކުރާގޮތުގެ އަންނަނިވި މަޢުލޫމާތުތައް އަޅުގަނޑުމެން އެއްކުރަމެވެ.

• ލޮގް ޑޭޓާ: ތިޔަބޭފުޅުންގެ ބްރައުސާއިން އަޅުގަނޑުމެންނަށް އޮޓޮމެޓިކުން ފޮނުވާ މަޢުލޫމާތުތައް. މީގެ ތެރޭގައި އައި.ޕީ އެޑްރެސް، ބްރައުސަރގެ ބާވަތް، ބްރައުސަރ ސެޓިންގްސް، އަދި ރިކުއެސްޓް ފޮނުވި ގަޑިއާއި ތާރީޙް ހިމެނެއެވެ.
• ޔޫސޭޖް ޑޭޓާ: އަޅުގަނޑުމެންގެ ޙިދުމަތްތައް ތިބޭފުޅުން ބޭނުންކުރާ ގޮތުގެ މަޢުލޫމާތު އަޅުގަނޑުމެން އޮޓޮމެޓިކުން އެއްކުރަމެވެ. މީގެ ތެރޭގައި ޙިދުމަތުގެ ބާވަތް، ޙިދުމަތް ބޭނުންކުރި ތާރީޙާއި ގަޑި، އައިޕީ އެޑްރެސް، އަދި ޑިވައިސްގެ ބާވަތް ހިމެނެއެވެ.
• ޑިވައިސްގެ މަޢުލޫމާތު: މީގެ ތެރޭގައި، ޑިވައިސްގެ ބާވަތް، އޮޕަރޭޓިންގް ސިސްޓަމް، އަދި ބްރައުސަރގެ ބާވަތް ހިމެނެއެވެ.
• ކުކީސް: އަޅުގަނޑުމެންގެ ޚިދުމަތްތައް ހިންގުމަށާއި، ބެލެހެއްޓުމަށާއި، އަދި ތިޔަ ބޭފުޅުންގެ ތަޖުރިބާ ރަނގަޅުކުރުމަށް އަޅުގަނޑުމެން ކުކީސް ބޭނުންކުރަމެވެ. "ކުކީ" އަކީ ތިޔަ ބޭފުޅުން ޒިޔާރަތްކުރާ ވެބްސައިޓަކުން ތިޔަ ބޭފުޅުންގެ ބްރައުޒަރަށް ފޮނުވާ މަޢުލޫމާތެކެވެ. ހުރިހާ ކުކީސްތަކެއް ޤަބޫލުކުރުމަށް، ނުވަތަ ހުރިހާ ކުކީސްތަކެއް ދޫކޮށްލުމަށް، ނުވަތަ ކޮންމެ ފަހަރަކު ކުކީއެއް ހުށަހެޅޭ ހިނދު އެކަން އެންގުމަށް ތިޔަ ބޭފުޅުންގެ ބްރައުޒަރު ސެޓްކުރެވިދާނެއެވެ. ނަމަވެސް، ކުކީއެއް ދޫކޮށްލުމުގެ ސަބަބުން ބައެއް ހާލަތްތަކުގައި ވެބްސައިޓެއް ބޭނުންކުރުމަށް ހުރަސްއެޅިދާނެއެވެ. ނުވަތަ ވެބްސައިޓެއްގެ ނުވަތަ އޭގެ ވަކި ސަރަޙައްދުތަކެއްގެ ނުވަތަ ވަކި ފީޗަރތަކެއްގެ ދެއްކުމަށް ނުވަތަ މަސައްކަތްކުރާ ގޮތަށް ނޭދެވޭ އަސަރުކޮށްފާނެއެވެ.
• އެނަލިޓިކްސް: އަޅުގަނޑުމެންގެ ޚިދުމަތްތައް ބޭނުންކުރަނީ ކިހިނެއްކަން ދެނެގަތުމަށާއި، އަދި ތިޔަ ބޭފުޅުން އަޅުގަނޑުމެންގެ ޚިދުމަތްތައް ބޭނުންކުރާއިރު ތަޖުރިބާ ރަނގަޅުކުރުމަށްޓަކައި، ކުކީސް ބޭނުންކުރާ އެކި ބާވަތުގެ އޮންލައިން އެނަލިޓިކްސް ޕްރޮޑަކްޓްތައް އަޅުގަނޑުމެން ބޭނުންކޮށްފާނެއެވެ.

2. ތިބޭފުޅުންގެ ޒާތީ މަޢުލޫމާތު އަޅުގަނޑުމެން ބޭނުންކުރާ ގޮތް

އަންނަނިވި ބޭނުންތަކަށް ތިބޭފުޅުންގެ ޒާތީ މަޢުލޫމާތު ބޭނުންކުރުމަކީ އެކަށީގެންވާ ކަމެކެވެ:

• އަޅުގަނޑުމެންގެ ޚިދުމަތްތައް ފޯރުކޮށްދިނުމަށް، ހިންގުމަށް، ބެލެހެއްޓުމަށް އަދި/ނުވަތަ ދިރާސާކުރުމަށް؛
• އަޅުގަނޑުމެންގެ ޚިދުމަތްތައް ރަނގަޅުކޮށް ދިރާސާކުރުމަށް؛
• ތިޔަ ފަރާތާ މުޢާމަލާތުކުރުމަށް؛ އޭގެ ތެރޭގައި އަޅުގަނޑުމެންގެ ޚިދުމަތްތަކާއި ހަރަކާތްތަކާ ބެހޭ މަޢުލޫމާތު ފޮނުވުން ހިމެނޭ ގޮތަށް؛
• އައު ޕްރޮގްރާމްތަކާއި ޚިދުމަތްތައް ތަރައްޤީކުރުމަށް؛
• ފްރޯޑް، ކުށްކުރުން، ނުވަތަ އަޅުގަނޑުމެންގެ ޚިދުމަތްތައް ނަހަމަގޮތުގައި ބޭނުންކުރުން ހުއްޓުވުމަށް، އަދި އަޅުގަނޑުމެންގެ އައިޓީ ސިސްޓަމްތަކާއި، އާކިޓެކްޗަރ އަދި ނެޓްވޯކްތަކުގެ ސަލާމަތްތެރިކަން ރައްކާތެރިކުރުމަށް؛
• ޤާނޫނީ އިލްތިޒާމުތަކާއި ޤާނޫނީ އިޖުރާއަތުތަކާ އެއްގޮތްވާ ގޮތުގެ މަތިން ޢަމަލުކުރުމަށް އަދި އަޅުގަނޑުމެންގެ، އަޅުގަނޑުމެންގެ ގުޅުންހުރި ފަރާތްތަކުގެ، ތިޔަ ފަރާތުގެ، ނުވަތަ އެހެން ތިންވަނަ ފަރާތްތަކުގެ ޙައްޤުތައް، ޕްރައިވަސީ، ސަލާމަތްތެރިކަން ނުވަތަ މުދާ ރައްކާތެރިކުރުމަށް.

އެއްކޮށްލައިފައިވާ ނުވަތަ ކާކުކަން ނޭނގޭގޮތް ހަދާފައިވާ މަޢުލޫމާތު. އަޅުގަނޑުމެންގެ ޙިދުމަތްތައް ބޭނުންކުރެވޭ ގޮތް ދެނެގަތުމަށްޓަކައި، ތިބޭފުޅުންގެ ޒާތީ މަޢުލޫމާތު ކާކުކަން ނޭނގޭތަށް ބަދަލުކޮށް ނުވަތަ އެތައް ބޭފުޅުންނެއްގެ މަޢުލޫމާތު ޖުމްލަކޮށް އެއްކޮށްލެވެދިނާއެވެ. މިގޮތަށް އެއްކުރެވޭ ތަފާސް ހިސާބުތަކުގެ އަލީގައި، އަޅުގަނޑުމެންގެ ޙިދުމަތްތައް ޢާންމުކޮށް ތިބޭފުޅުން ބޭނުންކުރާ ގޮތުގެ ޕެޓާންތައް ދެނެގަނެ އޭގެން ބައެއް ތަފާސް ހިސާބުތައް ޢާންމުކޮށް ޝާއިޢުކުރުމަކީ އެކަށީގެންވާ ކަމެކެވެ.

ތިބޭފުޅުން އަޅުގަނޑުމެންނާ ޙިއްސާކުރާ މަޢުލޫމާތުތަކުގެ އެހީގައި އަޅުގަނޑުމެންގެ އޭއައި މޮޑެލްތައް އިތުރަށް ޓްރެއިން ކުރުމަށް ބޭނުންކުރުމަކީ އެކަށީގެން ވާ ކަމެކެވެ. މިގޮތަށް މޮޑެލް ޓްރެއިން ކުރުމަށް ތިޔަބޭފުޅާގެ މަޢުލޫމާތު ބޭނުންކުރުމަށް ނޭދޭ ނަމަ [email protected] އަށް އީމެއިލް ކުރެއްވުން އެދެމެވެ.

3. އެހެން ފަރާތްތަކާއި ޒާތީ މަޢުލޫމާތު ޙިއްސާކުރުން

ޢާންމު އުސޫލެއްގެ ގޮތުން ތިޔަބޭފުޅުންގެ ޒާތީ މަޢުލޫމާތު އަޅުގަނޑުމެން ފިޔަވާ އެހެން އެއްވެސް ފަރާތަކާއި ޙިއްސާއެއް ނުކުރެވޭނެއެވެ. ނަމަވެސް އަންނަނިފަދަ ބައެއް ހާލަތްތަކުގައި، ތިޔަބޭފުޅުންގެ ޒާތީ މަޢުލޫމާތު އިތުރު އެންގުމަކާއި ނުލާ އެހެން ފަރާތްތަކާއި ހިއްސާ ކުރުމަކީ އެކަށީގެންވާ ކަމެކެވެ.

• އަޅުގަނޑުމެންނަށް ޙިދުމަތް ފޯރުކޮށްދޭ ފަރާތްތައް: އަޅުގަނޑުމެންގެ ބައެއް ޙިދުމަތް ފޯރުކޮށްދިނުމަށް ތިޔަބޭފުޅުންގެ ޒާތީ މަޢުލޫމާތު އަޅުގަނޑުމެންގެ ބައެއް ސާރވިސް ޕްރޮވައިޑަރުންނާ ހިއްސާކުރުމަކީ އެކަށީގެންވާ ކަމެކެވެ. މީގެ ތެރޭގައި، އަޅުގަނޑުމެންގެ ހޮސްޓިންގް ޕްރޮވައިޑަރުންނާއި، އޭޕީ.އައި ޕްރޮވައިޑާރސް، އީމެއިލް ޑެލިވަރީ ސާރވިސްތައް އަދި އެނަލިޓިކްސް ސާރވިސް ފޯރުކޮށްދޭ ފަރާތްތައް ހިމެނެއެވެ. މިގޮތަށް ހިއްސާކުރެވޭނީ އެޙިދުމަތެއް ފޯރުކޮށްދިނުމަށް ކޮންމެހެންވެސް އެ ސާރވިސް ޕްރޮވައިޑަރަކާ ހިއްސާކުރުން މަޖުބޫރުވާ މަޢުލޫމާތު އެކަންޏެވެ.
• ވިޔަފާރި އެހެން ފަރާތަކަށް ބަދަލުކުރުން: އަޅުގަނޑުމެންގެ ވިޔަފާރިއަށް އަންނަ ބަދަލަކުން، ވެރިފަރާތް ބަދަލުވެގެން، ނުވަތަ ޙިއްސާދާރުން ބަދަލުވެގެން، އެފަރާތްތަކަށް ތިޔަބޭފުޅުންގް މަޢުލޫމާތު ޓްރާންސްފަރކުރުން ނުވަތަ ހިއްސާ ކުރުމަކީ އެކަށީގެންވާ ކަމެކެވެ.
• ޤާނޫނު ލާޒިމުކޮށްގެން: ދިވެހިރާއްޖޭގެ ޤާނޫނު ލާޒިމުކޮށްގެން އަޅުގަނޑުމެންނަށް އަންނަ ކޯޓު ޢަމުރަކުން ނުވަތަ ޤާނޫނީ ބާރު ލިބިގެން ސަލާމަތީ ބާރުތަކުން އެދިގެން އެފަރާތްތަކާއި ތިޔަ ބޭފުޅުންގެ މަޢުލޫމާތު ޙިއްސާ ކުރުމަކީ އެކަށީގެންވާ ކަމެކެވެ. މިގޮތަށް މަޢުލޫމާތު ޙިއްސާ ކުރެވޭނީ (ހ) ޤާނޫނުން ލާޒިމުކުރާނަމަ ނުވަތަ ޤާނޫނީ އިލްތިޒާމަކާ އެއްގޮތަށް ޢަމަލުކުރުމަށް އެފަދަ ފިޔަވަޅެއް އެޅުން މުހިންމު ކަމަށް ހެޔޮ ނިޔަތުގައި ޤަބޫލުކުރެވޭނަމަ، (ށ) އަޅުގަނޑުމެންގެ ޙައްޤުތައް ނުވަތަ މުދާ ޙިމާޔަތްކޮށް ދިފާޢުކުރުމަށް، (ނ) އަޅުގަނޑުމެންގެ ޝަރުޠުތަކާއި، ސިޔާސަތުތަކާއި، ނުވަތަ ޤާނޫނާ ޚިލާފުވެފައިވާކަމަށް އަޅުގަނޑުމެންގެ އަމިއްލަ އިޚްތިޔާރުގައި ކަނޑައަޅައިފިނަމަ، (ރ) ފްރޯޑް ނުވަތަ އެހެން ޤާނޫނާ ޚިލާފު ޢަމަލެއް ހުއްޓުވުމަށް ނުވަތަ ދެނެގަތުމަށް، (ބ) އަޅުގަނޑުމެންގެ އުފެއްދުންތަކުގެ، މުވައްޒަފުންގެ ނުވަތަ ބޭނުންކުރާ ފަރާތްތަކުގެ، ނުވަތަ އާންމުންގެ ރައްކާތެރިކަމާއި، ސަލާމަތްތެރިކަން ޙިމާޔަތްކުރުމަށް، ނުވަތަ (ޅ) ޤާނޫނީ ޒިންމާއަކުން ރައްކާތެރިވުމަށް.
• އަޅުގަނޑުމެންގެ ވިޔަފާރީގެ ދަށުން ހިނގާ އެހެން ވިޔަފާރިތަކާއި: ދިވެހި ޖީޕީޓީގެ އިތުރުން، ޖަބާގެ ފަރާތުން ހިންގާ އެހެން ވިޔަފާރިތަކާއި ތިޔަބޭފުޅުންގެ މަޢުލޫމާތު ޙިއްސާކުރުމަކީ އެކަށީގެންވާ ކަމެކެވެ، އެފަރާތްކުންވެސް ތިޔަބޭފުޅުންގެ ޒާތީ މަޢުލޫމާތު ބޭނުންކުރުމުގައި މި ޕްރައިވެސީ ޕޮލިސީއާއި އެއްފަދަ އުސޫލަކުން ޢަމަލުކުރާނެއެވެ.
• ޓީމް އެކައުންޓްތަކުގެ އެޑްމިނިސްޓްރޭޓަރުން: ޓީމް އެކައުންޓެއްގެ ދަށުން އަޅުގަނޑުމެންގެ ޙިދުމަތްތައް ބޭނުންކުރާނަމަ، އެޓީމް އެކައުންޓެއްގެ އެޑްމިނިސްޓްރޭޓަރުންނަށް ތިޔަބޭފުޅުންގެ ޒާތީ މަޢުލޫމާތު ފެނުމަކީ އެކަށީގެންވާ ކަމެކެވެ.
• ތިޔަބޭފުޅުން ޢަމިއްލައަށް މަޢުލޫމާތު ހިއްސާކުރާ ފަރާތްތައް: ތިޔަބޭފުޅުން ޢަމިއްލައަށް އަޅުގަނޑުމެންގެ ޙިދުމަތްތަކުން ޖެނެރޭޓްކުރާ މަޢުލޫމާތު އެހެން ފަރާތަކާ ހިއްސާކޮށްފިނަމަ، އެފަރާތަކަށް އެމަޢުލޫމާތު ފެންނާނެއެވެ. މިގޮތަށް މަޢުލޫމާތު ހިއްސާ ކުރުމުގައި އިތުބާރު ހިފޭފަރާތްތަކާއި އެކަނި މަޢުލޫމާތު ހިއްސާކުރުމަކީ މުހިއްމު ކަމެކެވެ.

4. ތިޔަބޭފުޅުންގެ ޙައްޤުތައް

ވަކިވަކި ފަރުދުންނަށް އެމީހުންގެ ޒާތީ މަޢުލޫމާތާ ގުޅޭގޮތުން ދިވެހިރާއްޖޭގެ ޤާނޫނުތަކާއި ޤަވާޢިދުތަކުގެ ދަށުން ވަކި ޤާނޫނީ ޙައްޤުތަކެއް ލިބިގެންވެދާނެއެވެ. މިސާލަކަށް، ތިޔަ ފަރާތަށް އަންނަނިވި ޙައްޤުތައް ލިބިގެންވެދާނެއެވެ:

• ތިޔަ ފަރާތުގެ ޒާތީ މަޢުލޫމާތާއި އެ މަޢުލޫމާތު ޕްރޮސެސްކުރެވޭ ގޮތާ ގުޅޭ މަޢުލޫމާތު ބެލުން.
• އަޅުގަނޑުމެންގެ ރެކޯޑުތަކުން ތިޔަ ފަރާތުގެ ޒާތީ މަޢުލޫމާތު ފޮހެލުން.
• ތިޔަ ފަރާތުގެ ޒާތީ މަޢުލޫމާތު އިޞްލާޙުކުރުން ނުވަތަ އަޕްޑޭޓްކުރުން.
• ތިޔަ ފަރާތުގެ ޒާތީ މަޢުލޫމާތު ތިންވަނަ ފަރާތަކަށް ބަދަލުކުރުން (ޑޭޓާ ޕޯޓަބިލިޓީގެ ޙައްޤު).
• އަޅުގަނޑުމެން ތިޔަ ފަރާތުގެ ޒާތީ މަޢުލޫމާތު ޕްރޮސެސްކުރާ ގޮތް ހަނިކުރުން.
• އަޅުގަނޑުމެން ރުހުމަށް ބަރޯސާވާ ޙާލަތްތަކުގައި - ކޮންމެ ވަގުތެއްގައިވެސް ތިޔަ ފަރާތުގެ ރުހުން އަނބުރާ ގެންދިއުން.
• އަޅުގަނޑުމެން ތިޔަ ފަރާތުގެ ޒާތީ މަޢުލޫމާތު ޕްރޮސެސްކުރާ ގޮތާމެދު އިއުތިރާޒުކުރުން.
• ތިޔަ ފަރާތުގެ ސަރަޙައްދުގެ ޑޭޓާ ޕްރޮޓެކްޝަން އޮތޯރިޓީއަށް ޝަކުވާ ހުށަހެޅުން.

ތިޔަ ފަރާތުގެ ދިވެހި ޖީޕީޓީ އެކައުންޓް މެދުވެރިކޮށް މި ޙައްޤުތަކުގެ ތެރެއިން ބައެއް ޙައްޤުތައް ބޭނުންކުރެވިދާނެއެވެ. ތިޔަ ފަރާތުގެ އެކައުންޓް މެދުވެރިކޮށް ޙައްޤުތައް ބޭނުންނުކުރެވޭނަމަ، [email protected] އަށް އީމެއިލްކޮށްގެން ތިޔަ ފަރާތުން އެދޭ ކަމެއް ހުށަހަޅުއްވާށެވެ.

ޙިދުމަތްތަކުގެ ސައްޙަކަމާ ގުޅޭ ނޯޓެއް: ދިވެހި ޖީޕީޓީ ފަދަ ޚިދުމަތްތަކުން ޖަވާބު އުފައްދަނީ ބޭނުންކުރާ ފަރާތުގެ ސުވާލު ކިޔައި، އޭގެ ޖަވާބުގައި ދެން އެންމެ ގާތުން އަންނާނެކަމަށް ލަފާކުރެވޭ ބަސްތައް ލަފާކޮށްގެންނެވެ. ބައެއް ޙާލަތްތަކުގައި، އެންމެ ގާތުން އަންނާނެކަމަށް ލަފާކުރެވޭ ބަސްތަކަކީ އެންމެ ޙަޤީޤަތާ އެއްގޮތް ބަސްތަކަކަށް ނުވެދާނެއެވެ. އެހެންކަމުން، އަޅުގަނޑުމެންގެ މޮޑެލްތަކުން ނެރޭ އައުޓްޕުޓްތަކަކީ ސިދާ ޙަޤީޤަތާ އެއްގޮތް އެއްޗެހި ކަމަށް ބަރޯސާވެގެން ނުވާނެއެވެ. ދިވެހި ޖީޕީޓީގެ އައުޓްޕުޓްގައި ތިޔަ ފަރާތާ ބެހޭ ގޮތުން ޙަޤީޤަތާ ޚިލާފު މަޢުލޫމާތު ހިމެނިފައިވާކަން ފާހަގަކުރެވި، އެ ނުބައި މަޢުލޫމާތު ރަނގަޅުކޮށްދިނުމަށް ބޭނުންފުޅުވާނަމަ، [email protected] އަށް އީމެއިލްކޮށްގެން ކުރިއަށްގެންދަވާށެވެ. އަޅުގަނޑުމެންގެ މޮޑެލްތައް މަސައްކަތްކުރާ ގޮތުގެ ޓެކްނިކަލް ކޮމްޕްލެކްސިޓީ ބޮޑުކަމުން، ހުރިހާ ޙާލަތެއްގައި ނުބައި މަޢުލޫމާތު ރަނގަޅުކުރުމަށް އަޅުގަނޑުމެންނަށް ނުކުޅެދިދާނެއެވެ.

5. ކުޑަކުދިން

އަޅުގަނޑުމެންގެ ޚިދުމަތް އަމާޒުކުރެވިފައި ވަނީ 13 އަހަރުން މަތީގެ ފަރާތްތަކަށެވެ. ދިވެހި ޖީޕީޓީ އިން ގަސްތުގައި 13 އަހަރުން ދަށުގެ ކުދިންގެ އަމިއްލަ މަޢުލޫމާތެއް ނުހޯދައެވެ. 13 އަހަރުން ދަށުގެ ކުއްޖަކު އަޅުގަނޑުމެންގެ ޚިދުމަތް މެދުވެރިކޮށް ޒާތީ މަޢުލޫމާތު ދީފައިވާކަމަށް ޤަބޫލުކުރެވޭ ސަބަބެއް އޮތްނަމަ، [email protected] އަށް އީމެއިލް ކޮށްދެއްވުން އެދެމެވެ. އަޅުގަނޑުމެން އެކަން ތަޙުޤީޤުކޮށް، އެކަށީގެންވާނަމަ، އަޅުގަނޑުމެންގެ ސިސްޓަމްތަކުން އެ ޒާތީ މަޢުލޫމާތު ފޮހެލާނަމެވެ. ތިޔަ ފަރާތަކީ 13 އަހަރު ނުވަތަ އެއަށްވުރެވުރެ މަތީ، އެކަމަކު 18 އަހަރުން ދަށުގެ މީހެއްނަމަ، އަޅުގަނޑުމެންގެ ޚިދުމަތްތައް ބޭނުންކުރުމަށް ތިޔަ ފަރާތުގެ މައިންބަފައިން ނުވަތަ ބެލެނިވެރިންގެ ހުއްދަ ހޯދަންވާނެއެވެ.

6. އެހެން ވެބްސައިޓުތަކަށް ހުރި ލިންކުތައް

މި ޚިދުމަތުގައި ޖަވާބުއިން ނުހިންގާ ނުވަތަ ކޮންޓްރޯލް ނުކުރާ އެހެން ވެބްސައިޓުތަކަށް ލިންކުތައް ހުރެދާނެއެވެ. އޭގެ ތެރޭގައި މީސް މީޑިއާ ޚިދުމަތްތައްވެސް ("ތިންވަނަ ފަރާތުގެ ސައިޓުތައް") ހިމެނެއެވެ. ތިޔަ ފަރާތުން ތިންވަނަ ފަރާތުގެ ސައިޓުތަކާ ޙިއްޞާކުރާ މަޢުލޫމާތު ބެލެހެއްޓޭނީ އެ ތިންވަނަ ފަރާތުގެ ސައިޓުތަކުގެ ވަކި ޕްރައިވަސީ ޕޮލިސީތަކާއި ޚިދުމަތުގެ ޝަރުޠުތަކާ އެއްގޮތަށެވެ. މި ޕްރައިވަސީ ޕޮލިސީއާ އެއްގޮތަކަށެއް ނޫނެވެ. މި ލިންކުތައް ފޯރުކޮށްދިނުމަކުން އަޅުގަނޑުމެން އެ ސައިޓުތައް ތާއީދުކުރާކަމަށް ނުވަތަ އެ ސައިޓުތައް މުރާޖަޢާކޮށްފައިވާކަމަށް ދޭހައެއް ނުވެއެވެ. އެ ތިންވަނަ ފަރާތުގެ ސައިޓުތަކުގެ ޕްރައިވަސީ އާދަކާދަތަކާއި ސިޔާސަތުތަކާ ބެހޭ މަޢުލޫމާތު ހޯދުމަށް އެ ތިންވަނަ ފަރާތުގެ ސައިޓުތަކާ ސީދާ ގުޅުއްވުން އެދެމެވެ.

7. ސަލާމަތްތެރިކަމާއި ރައްކާކުރުން

އޮންލައިންކޮށް އަދި އޮފްލައިންކޮށްވެސް ޒާތީ މަޢުލޫމާތު ގެއްލުމުން، ނަހަމަ ގޮތުގައި ބޭނުންކުރުމުން، އަދި ހުއްދަނެތި ބޭނުންކުރުމުން، ހާމަކުރުމުން، ބަދަލުކުރުމުން ނުވަތަ ނައްތާލުމުން ރައްކާތެރިކުރުމަށް އަޅުގަނޑުމެން އެކަށީގެންވާ ޓެކްނިކަލް، އަދި އިދާރީ ފިޔަވަޅުތައް ތަންފީޒުކުރަމެވެ. ނަމަވެސް، އެއްވެސް އިންޓަރނެޓް ނުވަތަ އީމެއިލް ޓްރާންސަމިޝަނަކީ އަބަދުވެސް އެންމެ ފުރިހަމައަށް ރައްކާތެރި ނުވަތަ މައްސަލައެއް ނުހުންނާނެ އެއްޗެއް ނޫނެވެ. ޚާއްޞަކޮށް، އަޅުގަނޑުމެންނަށް ފޮނުވާ ނުވަތަ އަޅުގަނޑުމެން ފޮނުވާ އީމެއިލް ރައްކާތެރި ނުވެދާނެއެވެ. އެހެންކަމުން، އަޅުގަނޑުމެންގެ ޚިދުމަތްތައް ނުވަތަ އީމެއިލް މެދުވެރިކޮށް އަޅުގަނޑުމެންނަށް ފޮނުވާ މަޢުލޫމާތާމެދު ޚާއްޞަ ސަމާލުކަމެއް ދޭންވާނެއެވެ. މީގެ އިތުރުން، މި ޚިދުމަތްތަކުގައި ނުވަތަ ތިންވަނަ ފަރާތުގެ ވެބްސައިޓުތަކުގައި ހިމެނޭ އެއްވެސް ޕްރައިވަސީ ސެޓިންގްއެއް ނުވަތަ ސަލާމަތީ ފިޔަވަޅެއް ބައިޕާސްކުރުމަކުން އެކަމަށް އަޅުގަނޑުމެން ޒިންމާއެއް ނުނަގާނަމެވެ.

އަޅުގަނޑުމެން ތިޔަ ފަރާތުގެ ޒާތީ މަޢުލޫމާތު ބަހައްޓާނީ އަޅުގަނޑުމެންގެ ޚިދުމަތް ތިޔަ ފަރާތަށް ފޯރުކޮށްދިނުމަށް ބޭނުންވާ މުއްދަތަށް، ނުވަތަ އެހެން ޤާނޫނު ޙުއްދަކުރާ ވިޔަފާރީގެ ބޭނުންތަކަށް، މިސާލަކަށް އުފެދޭ ޤާނޫނީ މައްސަލައެއް ޙައްލުކުރުމަށް، ރައްކާތެރިކަމާއި ސަލާމަތްތެރިކަމުގެ ސަބަބުތަކަށް، ނުވަތަ އަޅުގަނޑުމެންގެ ޤާނޫނީ އިލްތިޒާމުތަކާ އެއްގޮތަށް ޢަމަލުކުރުމަށެވެ. އަމިއްލަ މަޢުލޫމާތު ބަހައްޓާނެ މުއްދަތު ބިނާވާނީ ގިނަ ކަންތައްތަކެއްގެ މައްޗަށެވެ. އޭގެ ތެރޭގައި މަޢުލޫމާތުގެ މިންވަރު، ބާވަތް، އަދި ހައްސާސްކަން، ހުއްދަނެތި ބޭނުންކުރުމުން ނުވަތަ ހާމަކުރުމުން ލިބިދާނެ ގެއްލުމުގެ ނުރައްކާ، އަޅުގަނޑުމެން މަޢުލޫމާތު ޕްރޮސެސްކުރާ ބޭނުން، އަދި ޤާނޫނީ ލާޒިމުކުރާ ކަންކަން ހިމެނެއެވެ.

8. ބައިނަލް އަޤްވާމީ ފަރާތްތައް

އަޅުގަނޑުމެންގެ ޙިދުމަތްތައް ބޭނުންކުރާނަމަ، ތިޔަ ބޭފުޅުންގެ ޒާތީ މަޢުލޫމާތު އެއްކޮށް، އަދި ރައްކާކުރެވޭނީ ދިވެހި ރާއްޖޭގެ ޤާނޫނާއި ޤަވާޢިދު ތަކާއި އެއްގޮތަކަށްކަން ތިޔަ ފަރާތުން ޤަބޫލުކޮށް އެކަމަށް އެއްބަސްވަމެވެ. އަދި ރާއްޖޭގެ ޑޭޓާ ޕްރައިވެސީ ޤާނޫނުތަކާއި ޤަވާޢިދުތައް، ތިފަރާތުގެ ޤަޢުމުގެ ނުވަތަ ސަރަޙައްދުގެ ޤާނޫނާއި ޤަވާޢިދު ތަކާއި ތަފާތު ވުމަކީ އެކަށީގެންވާ ކަމެއް ކަމުގައި ޤަބޫލުރަމެވެ.

9. ޕްރައިވެސީ ޕޮލިސީއަށް ބަދަލުގެނައުން

މި ޕްރައިވެސީ ޕޮލިސީއަށް އެކި ދުވަސް މަތިން ބަދަލު ގެނައުމަކީ އެކަށީގެންވާ ކަމެކެވެ. މި ޕޮލިސީއަށް އެއްވެސް ބަދަލެއް ގެނެސްފިކުމުގައި ވަނީ ނަމަ، މިސަފްޙާގައި އެ ބަދަލު ގެނަވުނު އެންމެ ފަހުގެ ވާރޝަން ޝާއިޢުކުރެވޭނެއެވެ.

10. އަޅުގަނޑުމެންނާ ގުޅާނެގޮތް

މި ޕޮލިސީއާއި ބެހޭ އެއްވެސް ސުވާލެއް ވާނަމަ، ނުވަތަ މިޕޮލިސީގައި ހިމެނިފައި ނުވާކަމަކާއި ގުޅޭގޮތުން މަޢުލޫމާތު ސާފުކުރަން ބޭނުންފުޅު ވާނަމަ، [email protected] އަށް އީމެއިލްކޮށްގެން ކުރިއަށް ގެންދެވުން އެދެމެވެ.